Յուրաքանչյուր անձ իրավունք ունի տեղեկություն փնտրելու և այն ստանալու նպատակով հարցմամբ դիմելու տեղեկատվություն տնօրինողին։

Տեղեկատվության ազատությունը կարող է սահմանափակվել Հայաստանի Հանրապետության Սահմանադրությամբ և օրենքով նախատեսված դեպքերում:

Տեղեկության տրամադրումը կարող է մերժվել, եթե այն պարունակում է՝

1. պետական, ծառայողական, բանկային կամ առևտրային գաղտնիք.
2. անձնական և ընտանեկան կյանքի գաղտնի տվյալներ.
3. նախնական քննության հրապարակման ոչ ենթակա տվյալներ.
4. բժշկական, նոտարական կամ փաստաբանական գաղտնիք.
5. հեղինակային իրավունքը կամ հարակից իրավունքները խախտող տեղեկություններ։

Եթե տեղեկության միայն մի մասն է ենթակա մերժման, ապա մնացած մասը տրամադրվում է։

1. քաղաքացիների անվտանգությանը և առողջությանը սպառնացող արտակարգ դեպքերի մասին.
2. ՀՀ տնտեսության, բնության, առողջապահության, կրթության, գյուղատնտեսության, առևտրի և մշակույթի ոլորտների իրական վիճակի մասին.
3. պետական սոցիալ-տնտեսական, գիտատեխնիկական և հոգևոր-մշակութային ծրագրերի իրականացմանը վերաբերող տեղեկությունների մասին։

Հարցման մեջ նշվում են դիմողի անունը, ազգանունը, քաղաքացիությունը, բնակության, աշխատանքի կամ ուսումնական հաստատության գտնվելու վայրը։ Հարցումը պետք է ստորագրված լինի։

Պատասխան չի տրվում, եթե՝

1. հարցումը չի պարունակում օրենքով պահանջվող տվյալները.
2. դիմողի ինքնությանը վերաբերող տվյալները կեղծ են.
3. նույն անձը վերջին 6 ամսվա ընթացքում նույն տեղեկությունը ստանալու պահանջով կրկին դիմել է՝ օրենքով նախատեսված բացառություններից բացի։

Դիմողը պարտավոր չէ հիմնավորել հարցումը։

1. հրապարակված չլինելու դեպքում՝ 5-օրյա ժամկետում.
2. հրապարակված լինելու դեպքում՝ 5-օրյա ժամկետում տեղեկացվում է հրապարակման վայրի և միջոցի մասին.
3. լրացուցիչ աշխատանք պահանջելու դեպքում՝ 30-օրյա ժամկետում։ Այդ մասին դիմողին տեղեկացվում է 5-օրյա ժամկետում։

Տեղեկության տրամադրման մերժումը կարող է բողոքարկվել լիազորված պետական կառավարման մարմին կամ դատարան։