08.11.2019
Այսօր Հայաստանի Հանրապետության Պետական վերահսկողական ծառայության և «Հայաստանի Պետական Տնտեսագիտական Համալսարան» պետական ոչ առևտրային կազմակերպության միջև կնքվեց փոխըմռբնման հուշագիր՝ ՀՀ-ում կրթության և գիտության զարգացմանն ուղղված ընդհանուր նպատակների իրագործման և արդյունավետ համագործակցության հաստատման նպատակով:
Արդյունքում ՀՊՏՀ-ի ուսանողները կընդգրկվեն Ծառայության ուսումնաարտադրական պրակտիկաներում, կկազմակերպվեն ՀՊՏՀ-ի ուսանողների ուսումնաարտադրական և գիտահետազոտական փորձառությունները Ծառայությունում, կկազմակերպվեն հանդիպումներ Ծառայության աշխատակիցների և ՀՊՏՀ-ի ուսանողների և դասախոսների միջև:
Կողմերը համաձայնեցին նաև երկուստեք հետաքրքրություն ներկայացնող ոլորտներում համատեղ ուսումնասիրություններ անցկացնել, կազմակերպել Ծառայության աշխատակիցների և ՀՊՏՀ դասախոսների և ուսանողների մասնակցությամբ գիտաժողովներ, թեմատիկ սեմինարներ և գիտագործնական միջոցառումներ, Ծառայության աշխատակիցներին ՀՊՏՀ-ում ներգրավել որպես հրավիրյալ դասախոսներ:
