Պետական վերահսկողական ծառայությունը շարունակում է համագործակցությունը հասարակական կազմակերպությունների հետ: Այսօր հանդիպում ունեցանք Թրանսփարենսի ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանի և իրավախորհրդատու Հերիքնազ Տիգրանյանի հետ:
Քննարկեցինք կոռուպցիայի դեմ պայքարի ճանապարհները, լսեցինք մեր հյուրերի առաջարկությունները:

Համագործակցությունը քաղաքացիական հասարակության հետ շարունակական բնույթ է կրելու, առաջիկայում կհյուրընկալենք այլ ՀԿ ներկայացուցիչների ևս:

Այսօր Պետական վերահսկողական ծառայության պետի տեղակալ Հայկ Սարգսյանի գլխավորությամբ հրավիրվել է աշխատանքային քննարկում ՀՀ վարչապետ Նիկոլ Փաշինյանի՝ ջրօգտագործող ընկերությունների ուսումնասիրության թեմայով: Քննարկմանը մասնակցել են ինչպես ՊՎԾ համապատասխան ստորաբաժանումների, այնպես էլ՝ Բնապահպանության, տարածքային կառավարման և զարգացման նախարարությունների,, Ջրային կոմիտեի, Բնապահպանության և ընդերքի տեսչական մարմնի, Անշարժ գույքի կադաստրի կոմիտեի պաշտոնյաներ: