ՀՀ պետական վերահսկողական ծառայությունը իրականացրել է «Կրթական տեխնոլոգիաների ազգային կենտրոն» ՊՈԱԿ-ի կարիքների համար 2013-2020թթ.-ին կազմակերպված գնման ընթացակարգերի նկատմամբ մշտադիտարկում, որով արձանագրվել է պետությանը հասցված առանձնապես խոշոր չափերի` շուրջ 1.2 միլիարդ ՀՀ դրամի վնաս։ Արդյունքները զեկուցվել են ՀՀ Վարչապետին։ Վարչապետի հանձնարարությամբ կազմված տեղեկանքն ուղարկվել է ՀՀ գլխավոր դատախազություն` քրեաիրավական գնահատական տալու։ Տեղեկանքի հիման վրա ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 308-րդ հոդվածի 2-րդ մասի հատկանիշներով հարուցվել է քրեական գործ: Նախաքննություն կատարելու հանձնարարությամբ քրեական գործն ուղարկվել է ՀՀ քննչական կոմիտե։
ՀՀ վարչապետ Նիկոլ Փաշինյանի 2021 թվականի 15 հունվարի N 28 — Ա որոշմամբ Տիգրան Ուլիխանյանը նշանակվել է ՀՀ պետական վերահսկողական ծառայության ղեկավար:
ՀՀ պետական վերահսկողական ծառայությունը ամփոփել է ուսումնասիրությունը «Զինառ» ՓԲԸ-ում: 2017-2019թթ-ի գործունեության ուսումնասիրության արդյունքում արձանագրվել են շուրջ 160 միլիոն դրամի խախտումներ: Ընկերությունը ստեղծվել է ՀՀ կառավարության 2000 թվականի դեկտեմբերի 31-ի «Զինառ» փակ բաժնետիրական ընկերություն ստեղծելու մասին» N 908 որոշման համաձայն: Ընկերության բոլոր բաժնետոմսերը սեփականության իրավունքով պատկանում են Հայաստանի Հանրապետությանը: Հիմնադրի լիազորությունները վերապահված են Պաշտպանության նախարարությանը: Ընկերության ստեղծման նպատակն է տնտեսական գործունեություն (այդ թվում՝ մեծածախ և մանրածախ առևտուր, կենցաղային սպասարկման ծառայություններ, զինվորական համակարգի ստորաբաժանումներում և տեղամասերում) իրականացնելու ճանապարհով շահույթի ստացումը։ Խախտումները մասնավորապես վերաբերվել են՝ Ընկերության կողմից խանութ-թեյարանների գծով իրականացված գործունեության ուսումնասիրության արդյունքում [...]
ՀՀ պետական վերահսկողական ծառայությունը ջերմորեն շնորհավորում է ԱԻՆ բոլոր աշխատակիցներին՝ մասնագիտական տոնի կապակցությամբ: Փրկարարի մասնագիտությունը ամենամարդասիրականներից է: Պետք է ունենալ կամք, ուժ և անսահման նվիրվածություն՝ վտանգները անտեսելով ՄԱՐԴՈՒՆ և ԲՆՈՒԹՅՈՒՆԸ փրկելու համար: ՀՀ ԱԻՆ աշխատակիցները մեկ անգամ չէ, որ ցույց են տվել իրենց բարձր մարդկային և մասնագիտական որակները՝ օգնության հասնելով ոչ միայն հայ մարդուն և հայոց պետությանը, այլ նաև բարեկամ ժողովուրդներին և պետություններին: Փրկարարի աշխատանքը գնահատանքի և մեծարանքի է արժանի:
............... (+374 10) 
